Гэвч хүүхдийнхээ сэтгэл зүйг үл ойлгож, бүүр нэмж дарамт болдог эцэг эхчүүд маш олон бий. Хүүхдүүд сэтгэл санаагаа нээх гэж оролдох үед нь хэлдэг тааруу эцэг эхчүүдийн хамгийн болчимгүй үгс:
- Чи юу дутлаа гэж? /Дутагдах гачигдах нь зөвхөн биет зүйлээр хэмжигдэхгүй/
- Чиний төлөө би өөрийгөө зовоосон /Таныг өөрийгөө зовоогоосой гэж хүүхэд чинь хэзээ ч хүсээгүй. Өөрийгөө хайрлах саад чинь таны хүүхэд биш/
- Үг даагаад сурчих /Үнэндээ дотнын хүний үг л хүнд тусдаг. Муу үг даах гэдэг ойлголт байдаггүй ба үгийг тоохгүй орхих л гэж байдаг. Та хэлж байгаа үгэндээ өөрөө анхаарах хэрэгтэй/
- Чиний зөв ч бай буруу ч бай чимээгүй байж сур /Хүүхдээ өөртөө итгэлгүй аймхай болгохыг хүсвэл энэ үгийг хэлээрэй/
- Өвчтэй юм шиг сэтгэл зүйчид хандах гэлээ /Ингэж бодох нь өөрөө асуудал юм. Та өөрийн сэтгэл зүйдээ анхаарах хэрэгтэй/
- Би эцэг чинь, эх чинь чи миний өмнө надад таалагдахаар бай /Таны хүүхэд тусдаа ертөнц. Ингэж бодсоноос өөртөө таалагдах амьтан авч тэжээх нь хавьгүй дээр./
- Чамд ингэх эрх байхгүй /Юу ч болсон байсан хүүхэд чинь таны өмнө үзэл бодлоо илэрхийлэх эрхтэй. Та эцэг эхийн хувьд харин түүнийг сонсох үүрэгтэй/
- Бусдын хүүхдийг хар. Өөрийгөө хар. /Та бусдыг хар. Өөрийгөө хар. Хүн бүр л өөр өөр шүү дээ. Хүүхдээ хүлээн зөвшөөр/
- Дандаа тайлбар тавьдаг /Тайлбар сонсохгүй юм бол асуулт битгий тавь, битгий өөрийнхөөрөө дайрч буруутга/
г.мэт бичээд байвал дуусашгүй хүмүүжил төлөвшилд сөргөөр нөлөөлөх ухагдахууныг тавьдаг. Ямар ч эцэг эхэд заримдаа хүүхдээ битгий хэл өөрийгөө ч ойлгохгүй үе гардаг ба аливаа асуудалд мэргэжлийн сэтгэл зүйчид хандаж асуудлыг зөвөөр шийдвэрлэж байгаарай!
Мэргэжлийн сэтгэл зүйч хандах боломжой: 🤙 86092012
0 Comments